最近餅仔都冇Update個Page..其實其中一個原因係已經返左香港..而另外一個原因係我訓左成個月醫院😷🚑🏥
-
事緣小弟平時可能俾人頂得多個肺😂,所以係上個月既某一日,個肺爆左,其中一邊肺爆左四成🌚.
-
寫依篇野既目的係提提大家,原來爆肺係可以好突發性同無先兆💩
-
一個風和日麗既早上,餅仔如常回到公司工作,突然Feel到抖氣唔順,抖到最盡果下都好似抖唔夠咁,伴隨少少痛感.小弟不以為然,繼續工作諗住直到食晏先去睇醫生.直到諗住落樓買晏晝食嘅時候.心跳突然好快仲有少少暈.我即刻淆晒底搭的士入最近嘅一間急症-明愛醫院.
-
等左幾個鐘之後,照完X光照完心電圖抽埋血,醫生問我一句:[係咪抖唔到氣呀?]我話:[係呀！]佢話:[梗係啦,你個肺爆左,要即刻入院］
-
一般來講呢爆肺有分幾種程度:
第一種:
最輕微嘅話可以吸氧氣令個傷口自行修復
第二種:
爆嘅程度大過20%.就要即刻做一個叫做胸腔引流嘅嘢,即係喺你嘅肋骨同肋骨之間開個窿插條喉抽啲多餘嘅空氣出嚟.
-
一般黎講,多數嘅病人經過胸腔引流之後大約一個星期左右,已經可以令到個傷口自行修復唔再漏氣.但甘啱餅仔係唔可以自行修復嗰個所以要等轉院,因為明愛醫院冇心胸肺外科.
-
嗰時已經係住咗醫院第七日,然後我等轉院等多左七日,即係已經14日.轉左院之後都係唔可以即刻做手術,因為心胸肺外科嘅排期係好滿,如是者我一路等落去,我最後係一個月先出到院🤦🏻♂️
-
如果有一日大家突然感覺到抖氣痛,呼吸唔順,諗住去睇急証,如果頂得順嘅話最好直接去有心胸肺外科嘅醫院,而香港只有四間醫院係有心胸肺外科,如果入咗其他醫院,就有機會好似餅仔咁要無啦啦等多好多日先轉到醫院🤦🏻♂️🤦🏻♂️🤦🏻♂️
-
P.S 找亮點
Search